Қўшимча функционаллар
-
Тунги кўриниш
Самарқандда маҳалланинг қиморбоз раиси ишдан олинди
Паст Дарғом туманидаги Қозоқ Найман маҳалласи раиси Аҳрор Арслонов интернетда қимор ўйнаётгани акс этган суратлар тарқалиши ортидан лавозимидан озод этилган.
Самарқанд вилояти Маҳалла ва нуронийларни қўллаб-қувватлаш бошқармаси ахборот хизматининг Kun.uz’га маълум қилишича, маҳалла раиси бугун, 21 ноябр куни ишдан олинган.
“Арслонов 2016 йилдан бери Қозоқ Найман маҳалласида раислик қилиб келган. 2022 йилги сайловларда ҳам ушбу лавозимга унинг ўзи тасдиқланган. Раиснинг қимор ўйнаётгани акс этган суратлар ижтимоий тармоқларда тарқалгач, бу маҳалла фаолларининг норозилигига сабаб бўлган ва уларнинг талаб-хоҳиши билан ўзи ишдан бўшаш тўғрисида ариза ёзган. Унинг ўрнига ушбу маҳалладаги хотин-қизлар фаоли вақтинча раис вазифасига тайинланган”, - деди Маҳалла ва нуронийларни қўллаб-қувватлаш бошқармаси ахборот хизмати.
Маълумот учун, Арслонов маҳалла раислигига сайлангунга қадар Самарқанд вилояти ИИБ йўл ҳаракати хавфсизлиги бошқармасида ишлаган.
Мавзуга оид
09:50 / 03.02.2024
Қимор ўйнагани учун ишдан олинган маҳалла раиси 1 йил ўтиб лавозимига қайтгани маълум бўлди
18:39 / 26.01.2024
Фарғонада «хўрозлар жанги»ни ўтказган жиноий гуруҳ қўлга олинди
17:30 / 09.12.2023
Тошкентдаги чойхонада қимор ўйинларини ташкил этган шахсга суд ҳукми ўқилди
13:53 / 04.12.2023