Ўзбекистон озиқ-овқат маҳсулотлари импортини 40 фоизга оширди

2022 йил январь-октябрь ойларида Ўзбекистон 106 та давлатдан қиймати 2,8 млрд АҚШ долларига тенг бўлган озиқ-овқат маҳсулотларини импорт қилган.

Давлат статистика қўмитаси маълумотларига кўра, бу кўрсаткич 2021 йил мос даври билан солиштирилганда қарийб 40 фоизга ошган.

2022 йил 10 ойида озиқ-овқат маҳсулотлари импортида юқори улушга эга бўлган давлатлар орасида Қозоғистон биринчи ўринни эгаллаб турибди – 36,2 фоиз.

Ушбу кўрсаткич қолган давлатлар кесимида қуйидагича кўринишга эга бўлди:

• Россия – 24,1 фоиз;
• Бразилия – 14,7 фоиз;
• Беларусь – 4,3 фоиз;
• Покистон – 2,0 фоиз;
• Эквадор – 1,6 фоиз;
• Хитой – 1,5 фоиз;
• Туркия – 1,4 фоиз;
• Ҳиндистон – 1,3 фоиз;
• Индонезия – 1,1 фоиз;
• бошқа давлатлар – 11,8 фоиз.