Андижон туманидаги хонадонда содир бўлган ёнғин оқибатида бир нафар фуқаро вафот этган, яна бири шифохонага ётқизилган.
Туман ҳокимлиги ахборот хизмати берган маълумотларга кўра, 12 декабрь куни соат 13:41да Андижон тумани “Саноат” МФЙ Саноатчи кўчаси 34-уйда ёнғин бошланган.
Ёнғинни бартараф этиш чоралари кўрилиб, 2 та ёнғин-қутқарув экипажи соат 13:43 да воқеа жойига етиб келди ва ёнғин соат 13:46 да қуршаб олиниб, соат 14:04 да ўчирилган.
Ёнғин оқибатида ушбу хонадонда яшовчи 1959 йилда туғилган М.Абдуллаева олган тан жароҳати сабабли воқеа содир бўлган жойда вафот этган. Фарзанди 1991 йилда туғилган З.Абдуллаев 85% куйиш жароҳати билан шифохонага ётқизилган.
Ёнғинда яшаш уйларининг 40 м кв қисми ёниб зарарланган. Аниқланишича, ёнғин иситиш печидан фойдаланишда эҳтиётсизлик оқибатида келиб чиққан.
Ёнғинни зудлик билан бартараф этишда яшаш уйларининг 200 м кв қисми сақлаб қолинган.
