Қорақалпоғистонда уй-жойлар қурилиши кўлами кенгайтирилади

Президентнинг “Қорақалпоғистон туманларида 2023-2026 йилларда уй-жойлар қурилиши кўламини кенгайтириш орқали аҳолининг турмуш шароитларини янада яхшилаш чора-тадбирлари тўғрисида”ги қарори лойиҳаси эълон қилинди.

Қарор лойиҳасига 1,2-иловалар билан: Қорақалпоғистонда 2023-2026 йилларда якка тартибда уй-жойлар қурилишининг мақсадли параметрлари; Қорақалпоғистонда 2023-2026 йилларда ипотека кредитлари асосида кўп қаватли уй-жойлар қурилишининг мақсадли параметрлари тасдиқланмоқда.

Қуйидагилар белгиланмоқда:

• қишлоқ хўжалигига мўлжалланган ерлар аҳоли пунктларининг ерлари ҳамда қурилиш мақсадларига мўлжалланган ерлар тоифасига ўтказилади;
• ер участкалари фуқароларга онлайн-аукцион орқали мулк ҳуқуқи асосида электрон онлайн-аукцион орқали реализация қилинади;
• кўп қаватли уй-жойларнинг қурилиш ости ер участкалари тадбиркорлик субъектларига электрон онлайн-аукцион орқали ижара ҳуқуқи асосида реализация қилинади;
• кўп қаватли уй-жойлар қурилиши якунлангандан сўнг уларга туташ ер участкалари маҳаллий ижроия ҳокимлик органининг тегишли қарори билан кўп қаватли уй-жой мулкдорларига доимий фойдаланиш ҳуқуқи асосида ажратиб берилади;
• уй-жойлар қурилиши президентнинг “Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида”ги фармони билан жорий этилган бозор тамойилларига асосланган ипотека кредитлари орқали аҳолини уй-жой билан таъминлашнинг янги тартиби асосида амалга оширилади;
• уй-жойларнинг ташқи муҳандислик тармоқлари ва транспорт коммуникациялари қурилиши бўйича буюртмачи этиб тегишлигига кўра президентнинг “Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида”ги фармони 3-банди “а” кичик бандида кўрсатилган ташкилотларга юклатилади;
• уй-жойларнинг ташқи муҳандислик-транспорт коммуникацияларини қуриш ҳамда ҳудудларини ободонлаштириш ва кўкаламзорлаштириш тегишлигига кўра президент фармонининг 4-бандида кўрсатилган манбалар ҳисобидан молиялаштирилади;
• уй-жойларни қуриш тегишлигига кўра фуқаролар ва тадбиркорлик субъектларининг ўз маблағлари, тижорат банкларининг кредитлари ва қонун ҳужжатларида таъқиқланмаган бошқа манбалар ҳисобидан молиялаштирилади;
• кўп қаватли уй-жойлар қурилиши бўйича техник назорат ишлари тадбиркорлик субъектлари билан тузилган шартномалар асосида Қорақалпоғистон Вазирлар Кенгашининг “Ягона буюртмачи хизмати” инжиниринг компанияси томонидан амалга оширилади.