Ўзбекистон 109 та давлатдан озиқ-овқат маҳсулотлари импорт қилди

2022 йилнинг январь-ноябрь ойларида Ўзбекистон 109 та давлатдан қиймати 3,2 млрд АҚШ долларига тенг бўлган озиқ-овқат маҳсулотларини импорт қилган.

Давлат статистика қўмитаси маълумотларига кўра, бу кўрсаткич 2021 йилнинг мос даври билан солиштирилганда қарийб 38,6 фоизга ошган.

2022 йилнинг 11 ойида озиқ-овқат маҳсулотлари импортида юқори улушга эга бўлган давлатлар орасида Қозоғистон биринчи ўринни эгаллади – 36,6 фоиз.

Ушбу кўрсаткич қолган давлатлар кесимида қуйидагича кўриниш олди:

• Россия – 24,1 фоиз;
• Бразилия – 13,9 фоиз;
• Беларусь – 4,2 фоиз;
• Покистон – 1,8 фоиз;
• Эквадор – 1,6 фоиз;
• Ҳиндистон – 1,6 фоиз;
• Хитой – 1,4 фоиз;
• Туркия – 1,4 фоиз;
• Индонезия – 1,4 фоиз;
• бошқа давлатлар – 12 фоиз.