Ўқувчи қизларга таҳдид қилган имом ишдан олиниб, 3 суткага қамалди
Тошкент тумани «Эшонхўжа ота» масжиди имом-хатиби Авазхўжа Баҳромов лавозимидан озод этилди ва 3 суткага маъмурий қамоқ жазосига ҳукм қилинди. Аввалроқ ижтимоий тармоқларда унинг араб тилини ўрганаётган 16 ёшли қизларга таҳдид оҳангида айтган гаплари аудиоёзуви тарқалган эди.

Фото: YouTube
«Сенга ким қўйибди қайси устоз қайси устоздан кучлилигини? … Кеча рўпарамга келганингда бошингни аквариумга тиқмоқчи эдим, кеча жаҳлим чиқиб келгандим. Ўзимни сал босиб олдим бугун. Сўйиб ташлайман сени, юрагингни суғуриб, қўлингга олиб бераман, тушундингми?», деган у аудиоёзувда.
Аудио бўйича Мусулмонлар идораси Ички назорат комиссияси йиғилиш ўтказиб, хулоса тақдим қилган.
«️Йиғилишда бу ҳолат имомлик мақомига мутлақо тўғри келмаслигига алоҳида урғу қаратилди. Айниқса, ички меъёрий ҳужжатларда белгиланган «фуқаролар билан мулоқотда хушмуомала, вазмин ва самимий муносабатни намойиш қилиш» ва «ўзининг хатти-ҳаракати ва ахлоқи туфайли жамоатчиликнинг танқидига учрамаслик чораларини кўриш» деган бандларнинг А.Баҳромов томонидан қўпол равишда бузилиши, деб баҳоланди. Шунингдек, А.Баҳромов араб тили ўқув курсларида дарс бериши тўғрисида Ўзбекистон мусулмонлари идорасини белгиланган тартибда хабардор этмагани ҳам алоҳида қайд этилди», – дейилади ахборотда.
Маълум қилинишича, Ички назорат комиссияси Авазхўжа Баҳромовни эгаллаб турган лавозимидан озод этиш тўғрисида хулоса қилган.
Шунингдек, Баҳромов маъмурий жазо сифатида 3 суткага қамалган.
Тавсия этамиз
Уруш тугади, раҳбар бункердан чиқди – ҳафта дайжести
Жаҳон | 18:43 / 29.06.2025
Ошадиган нафақалар, жорий этилаётган эскроу тизими ва соғлиқни сақлаш соҳасида янги модел – 1 июлдан нималар ўзгаради?
Ўзбекистон | 11:14 / 28.06.2025
Кредит олишга тақиқ ва Freeze хизмати: уларнинг фарқи нима?
Жамият | 09:02 / 26.06.2025
Имтиҳон яқин: бу йил абитуриентларни нималар кутяпти? – энг муҳим саволларга расмийлардан жавоблар
Ўзбекистон | 12:11 / 25.06.2025
Сўнгги янгиликлар
-
Канадада Ердаги энг қадимий тошлар топилди
Фан-техника | 09:41
-
Конгресс аъзоси Рашида Тлаиб Ғазога ёрдам фонди молиялаштирилишини танқид қилди
Жаҳон | 09:21
-
Ҳиндистонда ўн миллионлаб одам уран билан ифлосланган сувни ичмоқда — олимлар
Жаҳон | 09:01
-
Германия Исроил билан бирга «кибергумбаз» яратиш режасини эълон қилди
Жаҳон | 09:00
Мавзуга оид

14:40 / 01.03.2025
Самарқанд, Сурхондарё ва Тошкент вилоятларига бош имом-хатиблар тайинланди

14:08 / 16.03.2023
Тошкентдаги 3 та марказий масжидга янги имом-хатиблар тайинланди

07:57 / 17.11.2022
Ўзбекистонлик имом-хатиблар АҚШдаги ватандошлар билан учрашди

18:16 / 10.11.2021