Талабаларни ётоқхонага онлайн жойлаштириш хизмати жорий этилади

Бу давлат хизматлари тоифасига киритилиши кутилмоқда.

Йил охиригача Ўзбекистонда талабаларнинг ётоқхонага онлайн жойлашиш имкониятини берувчи бепул электрон хизмат жорий этилиши мумкин. Бу – 2023 йилги давлат дастури лойиҳасига киритилган.

Унга кўра, бу хизмат ДХМ ва ЯИДХП (my.gov.uz) орқали кўрсатилиб, бунда:

ётоқхоналар ҳисобини юритиш реестри ишлаб чиқилади;
ижтимоий ҳимояга муҳтож талабалар устувор равишда жойлаштирилади;
ЯИДХП орқали электрон ариза бериш ва тўловларни амалга ошириш имконияти яратилади.

Лойиҳа бўйича таклифларни ушбу манзил орқали юбориш мумкин.