Ўзбекистон миллий архивида сақланаётган тарихий давр (1917 йилгача) архив ҳужжатларидан 56 та йиғмажилд ўрнатилган тартибда махфийликдан чиқарилди. Бу ҳақда “Ўзархив” агентлиги ахборот хизмати раҳбари Анвар Алиев маълум қилди.
Қайд этилишича, 2022 йил давомида Ўзбекистон миллий архивида сақланаётган 1917 йилгача бўлган архив ҳужжатларидан 10 та фонддан жами 56 та йиғмажилд ўрнатилган тартибда махфийликдан чиқарилган.
Жумладан И-1 «Канцелярия Туркестанского генерал губернатора» (1868-1917й.) фондининг 26-та: И-3 «Российское императорское политическое агентство в Бухаре»; И-5 «Канцелярия начальника Зеравшанского округа», И-16 «Управление переселенческим делом в Сыр-Дарьинском районе»; И-19 «Ферганское областное управление», И-46 «Управление Туркестанского таможенного округа»; И-194 «Патта Гисарская таможня», И-278 «Товарищ прокурора Самаркандского окружного суда по Самаркандскому участку», И-715 «Подготовительные материалы к составленной полковником А.Г.Серебренниковым публикации документов «Туркестанский край. Сборник материалов для истории его завоевания» ва И-722 «Штаб Туркестанского военного округа» фондларидаги 56 та йиғмажилдлари ўрнатилган тартибда махфийликдан чиқарилди ва тадқиқотчилар учун илмий муомалага киритилди.
Шунингдек, Р-314 «Уполномоченный управления по эвакуации населения при Совете Народных Комиссаров УзССР» фонди ва Р-837 “Совет Народных Комиссаров УзССР” фондларининг 603 та варақдан иборат архив ҳужжатлари ўрнатилган тартибда махфийликдан чиқарилган.
2022 йил давомида 290 та вазирлик, идоралар ва уларнинг ҳудудий бўлинмалари ҳамда бошқа ташкилотларда архив иши бўйича давлат назорати тадбирлари ўтказилган. Ўтказилган текшириш натижасида архив ишига масъул ходимларнинг 10 нафарига маъмурий ҳуқуқбузарлик тўғрисида баённомалар тузилиб, тегишли суд органларига юборилган; 4 та ўтказилган текширишлар бўйича тўпланган материаллар ҳуқуқни муҳофаза қилувчи органларга юборилган; қонунчилик ҳужжатлари талаблари бузилганлигини бартараф қилиш ҳақида 218 та кўриб чиқилиши мажбурий бўлган тақдимномалар киритилган.
