ФИФА рейтинги. Ўзбекистон уч поғона юқорилади, Аргентина пешқадамга айланди

Унга кўра, Ўзбекистон миллий жамоаси 3 поғонага юқорилаб, 74-ўринга кўтарилди. Сречко Катанец шогирдлари бунгача 77-ўринда эди. Март ойида Саудия Арабистонида Боливия (1:0) ва Венесуэла (1:1) миллий жамоаси билан ўтказилган ўртоқлик ўйинларидан кейин миллий жамоамиз рейтингда кўтарилган. 

ФИФА рейтингида Аргентина миллий жамоаси 1-ўринга кўтарилиб олди. ЖЧ-2022 чемпиони 2017 йилдан буён илк марта рейтингда пешқадамга айланди. Франция 2-ўринга кўтарилган бўлса, аввалги етакчи Бразилия 3-ўринга тушди.

Кейинги ўринларни Бельгия (4), Англия (5), Нидерландия (6), Хорватия (7), Италия (8), Португалия (9) ва Испания (10) эгаллаб турибди.

Осиё жамоалари орасида эса Япония рейтингда 20-ўринга кўтарилиб, пешқадам саналади. Шунингдек, қитъада топ-10ликдан Эрон (24), Жанубий Корея (27), Австралия (29), Саудия Арабистони (54), Қатар (61), Ироқ (67), БАА (72), Уммон (73) ва Ўзбекистон (74) жой олган.

Қайд этиш жоиз, Ўзбекистон миллий жамоаси 74-ўринга кўтарилиб, охирги 5 йилликдаги энг яхши натижасига эришди. Бунгача вакилларимиз 2018 йил февраль ойида 72-ўринга кўтарилган, шундан сўнг 95, 84, 83, 82, 77-ўринларни эгаллаганди.