АҚШда банкдаги отишмада 6 киши ҳалок бўлди

10 апрель, душанба куни АҚШнинг Кентукки штати Луисвилл шаҳридаги банкка уюштирилган ҳужум натижасида беш киши, жумладан, ҳужумчининг ўзи ҳам ҳалок бўлди. Яна саккиз киши, у билан отишмада иштирок этган икки полициячи яраланиб, касалхонага ётқизилган, дея маълум қилди полиция. Кейинроқ ярадорлардан бири вафот этди.

Полициячилардан бири оғир аҳволда экани айтилмоқда. Луисвилл полицияси бошлиғи ўринбосари Пол Хамфрининг сўзларига кўра, ҳужумчи отишмада ўлдирилганми ёки ўзини ўзи отганми, ҳозирча аниқ эмас. Терговнинг дастлабки маълумотларига кўра, жиноятда гумон қилинаётган шахс банкнинг собиқ ёки ҳозирги кунгача ишлаган ходими бўлган.

Хамфрининг сўзларига кўра, полиция қўнғироқдан сўнг бир неча дақиқада воқеа жойига етиб келган ва шу билан кўпроқ қурбонлар олдини олган. Кентукки губернатори Энди Бешир ҳалок бўлганлардан икки нафари унинг дўстлари эканини айтди ва ҳодисани «даҳшатли» воқеа деб атади.