Қўшимча функционаллар
-
Тунги кўриниш
CNN: АҚШ «Росатом»ни ЗАЭСдаги технологиялари ҳақида хабардор қилди
АҚШ Энергетика вазирлиги «Росатом»ни Запорижжя АЭСдаги Қўшма Штатлар ҳукумати экспорт назорати остидаги технологияларга «тегмасликка» чақирди.
Фото: CNN
Россия томонидан босиб олинган Украинада жойлашган Запорижжя атом электр станцияси (ЗАЭС) ядро технологиялари соҳасида Америка технологияларига оид муҳим маълумотларни ўз ичига олади. Бу ҳақда 18 апрель, сешанба куни Американинг CNN телеканали хабар берди.
Унга кўра, 17 март куни АҚШ Энергетика вазирлигининг Ядро қуролларини тарқатмаслик сиёсати бўйича бюроси «Росатом»раҳбариятига Қўшма Штатлар ҳукумати томонидан экспорт назорати остида бўлган ушбу техник маълумотларга «тегмаслик» илтимоси билан хат юборган. CNN журналистлари юқоридаги ҳужжат билан танишганликларини ёзишмоқда.
Қайд этилишича, Энергетика вазирлиги «Росатом»ни ҳар қандай Россия фуқаролари ёки ташкилотларининг Америка технологияси билан ишлаши «ноқонуний» эканлиги ҳақида огоҳлантирган. Товарлар, дастурий таъминот ва технологиялар, агар улардан фойдаланиш Қўшма Штатлар миллий хавфсизлик манфаатларига зарар етказадиган бўлса, АҚШ экспорт назорати остида бўлади.
Мақолада Россия давлат корпорацияси ушбу мурожаатга қандай жавоб бергани ҳақида маълумот тақдим этилмаган.
Россия-Украина уруши
Мавзуга оид
16:42
Кремл Путин ва Трамп телефонда суҳбатлашганини рад қилди
14:42
Американинг круиз компанияси Трамп сиёсатидан қочишни истаганлар учун дунё бўйлаб 4 йиллик саёҳат таклиф қилмоқда
13:30 / 10.11.2024
Трамп ютса урушни бир суткада тўхтатишни ваъда қилганди. У ютди — хўш?
23:26 / 09.11.2024