Россия тарғиботи россияликларни Украина қарши ҳужумига тайёрламоқда
Кремль мураккаб вазиятдан чиқиб кетиш учун эҳтимолий мағлубиятни худди ғалабадек, эҳтимолий ғалабани эса бўрттириб кўрсатмоқчи.

Фото: Dimitar Dilkoff / AFP / Scanpix / LETA
Meduza нашри россиялик тарғиботчилар учун Владимир Путин маъмурияти томонидан тайёрланган янги қўлланмани қўлга киритди. Унда давлат ва ҳукуматпараст оммавий ахборот воситаларига Украинанинг яқинлашиб келаётган қарши ҳужумини қандай ёритиш кераклиги айтилади.
Кремль тарғиботчилардан «Украинанинг НАТО кўмагида эълон қилинган қарши ҳужумини паст баҳоламаслик» ва «Киев гўёки қарши ҳужумга тайёр эмас» демасликни сўрамоқда. Ҳукуматпараст ОАВ, аксинча, Ғарб давлатлари Киевни қурол-яроғ билан таъминлаб, Украинани ҳар томонлама қўллаб-қувватлаётганига эътибор қаратиши керак.
Президент маъмуриятига яқин бўлган манба яқинлашиб келаётган қарши ҳужумни ёритиш учун оддий тушунчалар борлигини айтган.
Агар қарши ҳужум муваффақиятсиз бўлса, Россия армияси куч жиҳатидан устун бўлган ҳужумни моҳирлик билан қайтарди. Бу ғалабанинг нархи жуда баланд, дейиш мумкин.
Агар Украина АҚШ ва Европа қуроллари ёрдамида қандайдир муваффақиятларга эришса ва ҳудудларни эгаллаб олса, уларнинг йўқотилиши сабаблари ҳам маълум: Ғарб фронтда катта саъй-ҳаракатларни жамлаган, аммо унинг муваффақиятлари ушбу саъй-ҳаракатлар билан солиштирганда жуда камтарин. Яъни, умуман олганда, рус армияси ҳам вазифани эплади.
Худди шу қўлланмада Кремль тарғиботчиларга Россия бюджетидан босиб олинган ва аннексия қилинган Украина ҳудудларида инфратузилмани тиклаш учун сарфланадиган «маблағлар миқдори тўғрисида маълумот бермасликни тавсия қилади». Россия бунга қанча пул сарфлаши аниқ маълум эмас - эҳтимол бу миқдор бир триллион рублдан ошади. 2023 йилнинг биринчи чорагида бюджет тақчиллиги 2,4 триллион рублни ташкил этган.
Бунинг ўрнига, тарғиботчилар Россияда мактаблар, болалар боғчалари ва шифохоналардаги таъмирлаш каби муаммолар қандай «ҳал қилинаётгани» ҳақида гапириши керак. Қўлланмага кўра, Кремль бундай ҳикоялар «жамоатчилик томонидан маъқулланишига» ишонади.
Шунингдек, аннексия қилинган ҳудудларга сарфланаётган маблағлар миқдорини ҳам ошкор қилмаслик тавсия этилади. Россиялик бу пуллар биздан олинган деб эътироз билдириши мумкин. Бюджетдан қанча олинганини аниқ миқдорларда кўрсатмаслик яхшироқ. Бу Қрим билан аллақачон содир бўлган, деган манбалардан бири.
Унинг сўзларини 2017 йилда Левада маркази томонидан ўтказилган Россия ички сўрови маълумотлари тасдиқлайди. Ўша пайтда респондентларнинг муҳим қисми (41%) Қримга бюджет инвестициялари «таълим, соғлиқни сақлаш, илм-фанга сарфланадиган харажатларни камайтириш, иш ҳақи ва пенсияларни индексация қилиш орқали» амалга оширилганини таъкидлаган.
Шу тарзда жавоб берганларнинг ярмидан кўпи (55%) расмийлар Қримни Россия ҳудудларида ижтимоий харажатларни қисқартириш орқали молиялаштириб, нотўғри иш қиляпти, деб ҳисоблашган. Бундан ташқари, ўша йилги сўровларига кўра, россияликларнинг 84 фоизи Қрим учун қўшимча молиялаштиришга қарши эди.
Тарғибот учун яна бир «номақбул мавзу» кутилмаганда 9 май паради репетициялари бўлиб чиқди. Россиянинг бир нечта минтақаларида «хавфсизлик нуқтаи назаридан» аллақачон байрамдан бутунлай воз кечишга қарор қилишган. Бундан ташқари, Москва ва бошқа шаҳарларда «Ўлмас полк» анъанавий юриши ўтказилмайди. Кремлга яқин манба нашрга бу қарор сабабини изоҳлашдан бош тортди.
Катта эҳтимол билан бу 2023 йилги парадда олдингисига қараганда камроқ техника иштирок этиши, уларнинг кўпчилиги эскирган бўлиши билан боғлиқ.
Meduza бундай далиллар ҳақиқатга мос келадими ёки йўқлигини билмайди, аммо Кремль ўзининг ўқув қўлланмасида тарғиботчиларга 9 майга тайёргарлик мавзусини «бўрттириб юбормасликни» тавсия қилади.
Тавсия этамиз
Ўзбекистон Mobiuz компаниясини халқаро сотувга қўйди
Ўзбекистон | 23:10 / 09.06.2025
Швейцариядаги қишлоққа кўчиб келган сайёҳларга 24 минг доллардан пул тўланади
Жаҳон | 01:36 / 09.06.2025
Тошкентда илк BRT тизими: у қандай кўринишда бўлади?
Ўзбекистон | 20:17 / 07.06.2025
Бир нечта ташкилотлар Enter Engineering компаниясини судга берди
Ўзбекистон | 17:39 / 07.06.2025
Сўнгги янгиликлар
-
Байрам байрамдай бўлди. Ўзбекистоннинг тарихий ўйинидан Kun.uz фоторепортажи
Спорт | 00:13
-
Ислом Тўхтахўжаев ўзига берилган BYDʼни жамоадоши Бобур Абдухолиқовга совға қилди
Спорт | 23:49 / 10.06.2025
-
300 минг доллар васвасаси ёхуд қотиллик билан тугаган шериклик - суддан репортаж
Жамият | 23:40 / 10.06.2025
-
10 июн янгиликлари: Ўзбекистонда рўй берган муҳим воқеа ва ҳодисалар
Ўзбекистон | 23:33 / 10.06.2025
Мавзуга оид

23:19 / 10.06.2025
Ўзбекистон элчихонаси Москвадаги ҳолат юзасидан Россияга ТИВга нота юборди

22:32 / 10.06.2025
Россияда мактабга қабул қилинмаган 300 минг мигрант болалари борлиги маълум қилинди

21:30 / 10.06.2025
Германия фуқаролигини олган россияликлар сони рекорд даражага етди

16:56 / 10.06.2025