Ўзбекистон 2023 йилнинг январь-апрель ойларида 9 та хорижий давлатдан қиймати 81,3 млн AҚШ долларига тенг бўлган 2 544 дона электромобил импорт қилган.
Статистика агентлиги маълумотларига кўра, электромобиллар импорти ўтган йилнинг мос даври билан солиштирилганда 1815 тага ошган.
Ўзбекистон 2023 йилнинг апрель ойида хорижий давлатлардан 876 дона электромобил импорт қилган.
Ўзбекистон 4 ойда энг кўп электромобил импорт қилган давлатлар:
— Хитой – 2 278 та;
— Ҳонгконг – 202 та;
— Германия – 32 та;
— БАА – 16 та;
— Корея – 9 та;
— АҚШ – 4 та.
Аввалроқ Ўзбекистонда 4 ойда ишлаб чиқарилган автомобиллар сони маълум қилинганди.
Статистика агентлигига кўра, 2023 йилнинг январь-апрель ойларида энг кўп Cobalt автомобили ишлаб чиқарилган — 27 739 дона.
Ушбу кўрсаткич қолган автомобиллар кесимида қуйидагича кўриниш олди: Lacetti-Gentra - 20 673 дона; Damas - 19 052 дона; Tracker - 3 618 дона; Onix - 3 104 дона; Nexia T-250 - 1 985 дона; махсус енгил автомобиллар - 7 194 дона.
