Ўзбекистонда таълимга янги талаблар қўйиляпти, бутун тизим янгиланмоқда. Бу ҳақда Президент администрацияси ижро этувчи аппарати коммуникациялар ва ахборот сиёсати бўйича шуъба мудири Саида Мирзиёева айтиб ўтди.
Фото: Telegram / Саида Мирзиёева
"Хивада бўлиб ўтган Абу Райҳон Беруний номидаги биринчи халқаро кимё олимпиадаси иштирокчилари ва ғолиб ҳамда совриндорларини табриклайман. Олимпиадада уч қитъанинг 16 давлатидан ёш олимлар иштирок этди", деб ёзади у.
Қайд этилишича, Ўзбекистонда бундай нуфузли халқаро олимпиадалар бўлиб ўтиши бежиз эмас.
"Президентимиз саъй-ҳаракатлари билан илмга ва илм аҳлига муносабат ўзгарди, олимларнинг қадри тиклана бошлади. Таълимга янги талаблар қўйиляпти, бутун тизим янгиланмоқда", дейди Саида Мирзиёева.
Билдирилишича, олимпиадада иштирок этган ёшлар барча тенгдошлари учун ўрнак ва намуна бўлади.
