Ўзбекистонда электр энергияси импорти ошди, экспорти камайди

2023 йилнинг дастлабки 5 ойида Ўзбекистонда 31,9 млрд кВт•соат электр энергияси ишлаб чиқарилди. Бу ўтган йилнинг мос даврига нисбатан 1,0 млрд кВт•соат ёки 3,3 фоиз кўп. Бу ҳақда Энергетика вазирлиги хабар берди. 

Истеъмолчиларига 27 млрд кВт•соат электр энергияси етказиб берилди. Ушбу кўрсаткич 2022 йил шу давридагига нисбатан 1,6 млрд кВт•соат ёки 6,5 фоиз кўп. 

Январь – май ойларида ошиб бораётган ички истеъмолни қоплаш мақсадида 2,5 млрд кВт•соат электр энергияси импорт қилинди. Бу ўтган йилнинг мос даврига нисбатан 384,6 млн кВт•соат ёки 18,6 фоиз кўп. 

Шу даврда 1,1 млрд кВт•соат электр энергияси экспорт қилинди. Бу ўтган йилнинг мос даврига нисбатан 243,2 млн кВт•соат ёки 18,5 фоиз кам.