71 ёшли аёл бакалавр даражасини олди

Ўзбекистон давлат санъат ва маданият институти Нукус филиалида таълим олиб, ўқишини тугатаётганлар ичида 71 ёшли Чиннигул Дўстхўжаева ҳам бор.

Олий таълим вазирлиги хабарига кўра, Чиннигул опа филиалнинг “Соз асбоб ижрочилиги” таълим йўналишининг бакалавр босқичини тамомлаган.

“Армоним олий маълумотли бўлиш эди. Мана армонимга етдим. Ҳаётимнинг 50 йилини санъат соҳасига бағишладим. Эндиги армоним – магистратура босқичига ўқишга кириш”, – дейди Чиннигул Дўстхўжаева.