Давлат ОТМга кириш учун бериладиган 43 имтиёз тури бор

Давлат қабул комиссиясининг 2022 йил 29 декабрдаги 10-сон мажлис баёни билан «Давлат ОТМга кириш учун берилган имтиёзларнинг ягона реестри» тасдиқланган.

Реестрдан 43 та имтиёз тури ўрин олган:

1. Имтиҳонсиз қўшимча давлат гранти асосида талабаликка тавсия этиш учун асос бўлувчи имтиёзлар (15 та);
2. Имтиҳонсиз базавий тўлов-контракт асосида талабаликка тавсия этиш учун асос бўлувчи имтиёзлар (4 та);
3. Тегишли фан бўйича имтиҳондан озод этилиб, маълум миқдорда балл беришга асос бўлувчи имтиёзлар (5 та);
4. Тўпланган баллга нисбатан қўшимча балл бериш учун асос бўлувчи имтиёзлар (2 та);
5. Қўшимча квота доирасида танловда иштирок этиш учун асос бўлувчи имтиёзлар (13 та);
6. Қўшимча имтиёзлар (4 та).

Реестрда имтиёзлар таснифи, имтиёз берилишига масъул вазирлик ва идоралар, имтиёз бериладиган абитуриентлар тоифаси ҳамда имтиёз берилишида ҳуқуқий асос бўладиган норматив-ҳуқуқий ҳужжатлар номлари келтирилган.