Тошкентда 63 фоиз оилалар кўп қаватли уйларда яшаши маълум бўлди

Тошкент шаҳрида 63,4 фоиз уй хўжаликлари кўп қаватли уйларда яшайди. Бу ҳақда Статистика агентлиги маълумот берди.

Агентлик 2023 йилнинг  январь-июнь ҳолатига Тошкент шаҳрида уй хўжаликларининг уй-жой турлари бўйича тақсимланиши тўғрисида маълумот берди.

Қайд этилишича, бу кўрсаткич 2022 йилнинг мос даврига нисбатан 62,1 мингтага ошган.   
  
Бунда:

• алоҳида уй (хусусий ҳовли) – 31,5 фоиз;
• кўп квартирали уйлар – 63,4 фоиз;
• бошқа турдаги уйлар – 5,1 фоиз.