«Бавария» Ким Мин Жэнинг трансферини эълон қилди

«Наполи» футболчиси Ким Мин Жэ фаолиятини Германияда давом эттиради.

Фото: Бавария

«Бавария» клуби жанубий кореялик 26 ёшли ҳимоячи трансферини расман эълон қилди. Мюнхен клуби Жанубий Корея миллий жамоаси аъзоси билан 2028 йилга қадар белгиланган 5 йиллик шартнома имзолаган.

Инсайдер Фабрицио Романо хабарига кўра, мюнхенликлар Ким Мин Жэ трансфери учун «Наполи»га 50 миллион евро тўлаган.

Маълумот учун, Жэ ўтган мавсум неаполликлар сафида Италия чемпионлигини қўлга киритганди. У А Серияда 35 ўйинда 2та голга муаллифлик қилган. Бунгача «Фенербаҳче», «Пекин Гоан» ва «Чонбук Моторс» клуби шарафини ҳимоя қилган.