Тошкентда мактаб ҳудудида ёнғин содир бўлди

Мирзо Улуғбек туманида жойлашган мактабда ёнғин содир бўлди. Фавқулодда вазиятлар вазирлиги ҳодиса бўйича расмий маълумот тақдим этди.

Видеодан кадр

Бугун, 2 август куни соат 11:43 да Тошкент шаҳар Мирзо Улуғбек тумани Истиқлол кўчасида жойлашган 50-сонли мактабнинг 2-қаватида ёнғин содир бўлаётгани тўғрисида ФВБга хабар тушган.

Шунга кўра, 2 та ёнғин-қутқарув экипажи соат 11:49 да воқеа жойига етиб бориб, ёнғин соат 11:52 да ўраб олинган ва соат 12:00 да ўчирилган.

Ёнғин натижасида 2-қаватнинг тахминан 10 квадрат метр майдонида ички жиҳозлари ёниб зарарланган.

Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.