Нодавлат боғча ва мактаб очиш учун имтиёзли кредит берилиши мумкин
Нодавлат мактабгача ва мактаб таълими ташкилоти фаолиятини йўлга қўйиш учун фоиз ставкаларини субсидиялаш ҳисобига 7 фоизлик ставкада 10 йил муддатга кредит бериш амалиётини жорий қилиш режалаштирилмоқда.
Норматив-ҳуқуқий ҳужжатлар лойиҳалари муҳокамаси порталига президентининг «Ўзбекистон – 2030» стратегиясини 2023 йилда сифатли ва ўз вақтида амалга ошириш чора-тадбирлари тўғрисида»ги қарори лойиҳаси жойлаштирилди.
Унда белгиланишича, 2023 йил 1 сентябрдан бошлаб қуйидагилар режалаштирилмоқда:
- нодавлат мактабгача ва мактаб таълими ташкилотлари фаолиятини йўлга қўйиш учун фоиз ставкаларини субсидиялаш ҳисобига 7 фоизлик ставкада 10 йил муддатга кредит бериш амалиётини жорий қилиш;
- юридик шахсларнинг мактабгача ва мактаб таълими ташкилотини қуришга сарф этиладиган харажатларини барча солиқлардан тўлиқ озод этиш;
- «Ижтимоий ҳимоя ягона реестри» ахборот тизимига киритилган оилаларнинг фарзандлари учун мактабгача таълим ташкилотларида таълим ва тарбия олиш харажатларини давлат томонидан қоплаб бериш тартибини жорий этиш;
- умумий ўрта таълим тизимида «Йилига 500 минг ўқувчи ўрни» дастурини амалга ошириш, унинг доирасида 2023/2024-ўқув йилида 500 минг янги ўқувчи ўрни ташкил этиш.
Фуқаролар ҳужжат муҳокамасида иштирок этиши ва таклиф бериши мумкин. Муҳокама жараёни 15 августгача давом этади.
Мавзуга оид
21:53 / 26.09.2024
Энг кўп солиқ ва божхона имтиёзини олган корхоналар маълум қилинди
10:20 / 24.09.2024
Камбағал оилалар фарзандлари давлат боғчаларига имтиёзли асосда қабул қилинади
08:20 / 01.07.2024
Ўзбекистонда солиқ тўловчилар 5 ойда 10,6 трлн сўм солиқ имтиёзларидан фойдаланди
12:47 / 26.06.2024