Бектемир туманида юк кўтариш автокранида ёнғин содир бўлди. Фавқулодда вазиятлар вазирлиги ҳолат юзасидан расмий маълумот тақдим этди.
Бугун, 11 август куни соат 14:36 да Тошкент шаҳар Бектемир тумани Олтинтопган ва Бектемир шоҳкўчалари чорраҳасида юк кўтаришга мўлжалланган автокранда ёнғин юзага келгани тўғрисида ФВБга хабар тушган.
Шунга кўра, 2 та ёнғин-қутқарув экипажи соат 14:46 да воқеа жойига етиб бориб, ёнғин соат 14:50 да ўчирилган.
Ёнғин натижасида автокраннинг салон ва мотор қисми ёниб зарарланган. Ҳодиса оқибатида тан жароҳати олган ва ҳалок бўлганлар йўқ.