Bektemir tumanida yuk ko‘tarish avtokranida yong‘in sodir bo‘ldi. Favqulodda vaziyatlar vazirligi holat yuzasidan rasmiy ma’lumot taqdim etdi.
Videodan kadr
Bugun, 11 avgust kuni soat 14:36 da Toshkent shahar Bektemir tumani Oltintopgan va Bektemir shohko‘chalari chorrahasida yuk ko‘tarishga mo‘ljallangan avtokranda yong‘in yuzaga kelgani to‘g‘risida FVBga xabar tushgan.
Shunga ko‘ra, 2 ta yong‘in-qutqaruv ekipaji soat 14:46 da voqea joyiga yetib borib, yong‘in soat 14:50 da o‘chirilgan.
Yong‘in natijasida avtokranning salon va motor qismi yonib zararlangan. Hodisa oqibatida tan jarohati olgan va halok bo‘lganlar yo‘q.
