Қўшимча функционаллар
-
Тунги кўриниш
Спорт | 07:40 / 26.08.2023
23505
1 дақиқада ўқилади
Артур Гулиев эшкак эшиш бўйича жаҳон чемпиони бўлди
Бу медал Вадим Менков ғалабасидан 13 йил ўтгач қўлга киритилди.
Фото: ICF
Германияда ўтаётган байдарка ва каноэда эшкак эшиш бўйича жаҳон чемпионатида ўзбекистонлик Артур Гулиев олтин медални қўлга киритди.
Спортчи 200 метр масофа пойгасида энг яхши - 38,729 сония натижани қайд этиб чемпионликка эришди.
Сўнгги бор Ўзбекистон ушбу спорт тури бўйича жаҳон чемпионатида 13 йил олдин медалга эга бўлганди: Вадим Менков 2010 йилги дунё биринчилигида шоҳсупанинг энг юқори поғонасига кўтарилган эди.
Иккинчи ўринни испаниялик Хоан Морено (38,769), учинчи ўринни польшалик Алексей Колядих (39,046) қўлга киритди.
