Пенсилвания университети (АҚШ) тадқиқотчилари коронавирусга қарши мРНК вакциналарини ишлаб чиққани учун тиббиёт бўйича Нобел мукофотига сазовор бўлди.
2023 йил учун физиология ёки тиббиёт бўйича Нобел мукофоти Пенсилвания университети (АҚШ)дан Дрю Вайсман ва Каталин Карикога берилди, уларнинг ишлари коронавирусга қарши мРНК вакциналарини яратишга асос бўлган. Бу ҳақда 2 октябр, душанба куни Швеция пойтахтида ушбу мукофотни топширувчи Стокҳолмдаги қироллик Каролина тиббий-жарроҳлик институти маълум қилди.
Ўтган йилларда тиббиёт бўйича Нобел мукофоти лауреатлари
Тиббиёт бўйича Нобел мукофоти жами 113 марта берилган бўлиб, 2022 йилгача 225 нафар ғолиб аниқланган.
BREAKING NEWS
— The Nobel Prize (@NobelPrize) October 2, 2023
The 2023 #NobelPrize in Physiology or Medicine has been awarded to Katalin Karikó and Drew Weissman for their discoveries concerning nucleoside base modifications that enabled the development of effective mRNA vaccines against COVID-19. pic.twitter.com/Y62uJDlNMj
Швециялик биолог Сванте Пабо 2022 йилги тиббиёт бўйича Нобел мукофотига сазовор бўлди. У йўқ бўлиб кетган гоминидлар геноми ва инсон эволюцияси соҳасидаги кашфиётлари учун лауреатга айланди.
2021 йилда америкалик тадқиқотчилар Дэвид Жулиус ва Ардем Патапутян физиология ёки тиббиёт бўйича Нобел мукофотига сазовор бўлди. Улар инсон танасининг ҳарорат ва тегинишни ҳис қилишига имкон берувчи рецепторларни кашф этгани учун мукофотни олди. 2020 йилда гепатит C вирусини аниқлашга катта ҳисса қўшган америкалик вирусологлар Харви Олтер, Чарлз Райс ва британиялик Майкл Хаутон мукофот ғолиблари бўлди.
