Ўзбекистон ҳудудига нам ва совуқ ҳаво массалари кириб келиши кутиляпти

Жорий йилнинг 12-14 октябр кунлари Ўзбекистон ҳудудига нам ва совуқ ҳаво массалари кириб келиши кутилмоқда.

“Ўзгидромет” хабарига кўра, 12-13 октябр кунлари республика бўйича ёмғир ёғади, 13 октябрда Тошкент, Самарқанд, Жиззах, Сирдарё вилоятларида, Ўзбекистоннинг тоғолди ва тоғли ҳудудларида баъзи жойларда кучли ёмғир ёғади, тоғларда қорга айланади.

Республика бўйича баъзи жойларда шамол тезлиги 15-20 м/с гача кучайиши кутилмоқда, айрим жойларда 22-25 м/с гача кучайиши мумкин.

13-14 октябрда ҳаво ҳарорати кундуз кунлари +10...+15 даражагача, кечалари +2...+5 даража илиққача пасаяди, шимолда -1...-3 даража совуққача бўлиши мумкин.