Сербия президенти парламентни тарқатиб юборди

Сербия президенти Александр Вучич 1 ноябр, чоршанба куни парламентни тарқатиб юборди ва муддатидан олдин сайловлар 17 декабрда ўтказилишини эълон қилди. Улар 65 муниципалитетда, жумладан, пойтахт Белградда маҳаллий сайловлар билан бир вақтга тўғри келади. 

Сербия ҳукумати «жамоатчиликнинг бир қисми» ва мухолифат партияларининг илтимосига асосланиб, муддатидан олдин парламент сайловларини ўтказиш ғоясини илгари сурди. Ҳукуматнинг 30 октябр куни эълон қилинган баёнотида айтилишича, муддатидан олдин овоз бериш «жамиятдаги қарама-қарши позициялар ўртасидаги зиддиятнинг камайишини» таъминлайди. 

Еврокомиссия Сербияни Косово билан муносабатларни нормаллаштиришга чақирмоқда 

«Биз барчамиз Сербия ҳаётий манфаатлари учун курашда бирдам бўлишимиз керак бўлган даврда яшаяпмиз, бу даврда ҳам Косово бўйича позициямиз, ҳам бошқа минтақавий ва глобал муаммолар туфайли босим остида қоламиз», — деди президент Вучич муддатидан олдин сайлов тўғрисидаги қарорини эълон қилар экан. Ҳозирги парламент ваколати муддати 2026 йилда тугаши керак эди. 

Европа комиссияси раиси Урсула фон дер Ляйен 31 октябр куни Сербияга келди. Белградда у Сербия ҳукуматини аввалроқ ташриф буюрган Косово билан муносабатларни нормаллаштиришга чақирди. Урсула фон дер Ляйен, шунингдек, Сербияни Россияга қарши ғарб санкцияларига қўшилишга, коррупция ва уюшган жиноятчиликка қарши курашишга ва қонун устуворлигини таъминлашга чақирди.