Президент Ўзбекистонда дизайн мактабини ривожлантириш бўйича топшириқ берди
Давлат раҳбари мутахассисларни Италия каби дизайн соҳаси тараққий этган мамлакатларга тажриба учун юбориш бўйича кўрсатма берди.

Президент Шавкат Мирзиёев Сурхондарё вилоятига ташрифи давомида «Indenim Textile» кластерининг Термиз шаҳридаги тўқимачилик корхонаси фаолияти билан танишди.
Қайд қилинишича, корхона 2019 йил ишга туширилган бўлиб, унинг умумий қиймати 10 миллион доллардан зиёд. Йилига 800 турдаги 9 миллион дона кийим-кечак ишлаб чиқариш қуввати яратилган. Уларнинг бир қисми экспортга, асосий қисми ички бозорга – «Indenim» дўконларига етказиб берилмоқда.
Давлат раҳбари корхонадаги иш жараёнини, маҳсулотларни кўздан кечирди.
- Юртимизда тўқимачилик хомашёси бор, маҳсулотлар сифати ҳам яхшиланиб бораяпти. Фақат бизда дизайн мактаби йўқ. Ҳозир дунёда услублар тез ўзгараяпти. Кийим корхоналаримиз рақобатбардош бўлиши учун дизайн мактабини ривожлантириш керак, - деди Шавкат Мирзиёев.
Бу борада кадрлар тайёрлаш сифатини ошириш, мутахассисларни Италия каби дизайн соҳаси тараққий этган мамлакатларга тажриба учун юбориш бўйича кўрсатма берилди. Шунингдек, бозорни ўрганиш ва прогнозлаштириш, бу борада тадбиркорларга кўмаклашиш зарурлиги таъкидланди.
Давлат раҳбарига корхонанинг истиқболдаги режалари ҳақида маълумот берилди. Келгусида мато тўқиш ва бўяш, кийим-кечак ишлаб чиқариш ҳажми оширилади. Бунинг учун умумий 55 миллион доллар инвестиция йўналтирилади. Натижада яна 10 мингта янги иш ўрни яратилиши кутилмоқда.
Шу билан Шавкат Мирзиёевнинг Сурхондарё вилоятига ташрифи якунланди, давлат раҳбари Тошкентга қайтиб келди.
Тавсия этамиз
Ғарб Исроил Эронга зарба беришидан хавотирда. Бу ҳақда нималар маълум ва оқибатлар қандай бўлиши мумкин?
Жаҳон | 21:01 / 12.06.2025
Қизалоққа қарши армия: Грета Тунберг Ғазога етиб боролмади
Жаҳон | 17:45 / 11.06.2025
Сўм 2 ҳафтада 2 фоизга мустаҳкамланди. Қандай қилиб?
Иқтисодиёт | 18:57 / 10.06.2025
Июнда об-ҳаво нисбатан салқин бўлиши кутилмоқда
Ўзбекистон | 16:47 / 10.06.2025
Сўнгги янгиликлар
-
Ўзбекистон ўзи билан бир хил рейтингга эга давлатлардан қонун устуворлиги борасида ортда қолмоқда — Moody’s
Иқтисодиёт | 22:42
-
ОАВ: Исроил зарбалари оқибатида Теҳронда 78 киши ҳалок бўлиб, 300 дан ортиқ киши яраланди
Жаҳон | 22:36
-
Андижонда темирйўл цистернасига чиққан эркакни ток урди
Жамият | 22:20
-
Кўр-кўрона тергов ва прокурорнинг ёлғони: Олмазорда аёл камида 80 кундан бери асоссиз ҳибсда ўтирибди
Жамият | 22:03
Мавзуга оид

21:16 / 11.06.2025
Бойсунда водород сулфиди гази миқдори меъёрдан ошмаган – Эковазирлик

18:07 / 10.06.2025
Термизда Damas 17 ёшли скутер ҳайдовчисини уриб юборди. Жабрланувчи вафот этди

18:45 / 09.06.2025
Сурхондарёда 913 млрд сўмга «Сангардак» туристик маркази қурилмоқда

10:06 / 07.06.2025