Қўшимча функционаллар
-
Тунги кўриниш
Қуюқ туман Ўзбекистондаги бир қатор аэропортлар фаолиятини чеклаб қўйди
Қуюқ туман туфайли кўриш масофасининг ёмонлашиши Фарғона, Наманган ва Самарқанд аэропортларида рейсларнинг қўниши ва жўнашини чеклаб қўйди.
Фото: Uzbekistan Airports
Иркутск – Фарғона йўналиши бўйича SBI-6323 рейсини амалга ошираётган S7 Airlines самолёти белгиланган аэропортдаги ноқулай об-ҳаво шароити (туман, кўриш масофаси - 50 метр) туфайли маҳаллий вақт билан соат 23:27 да Наманган аэропортидаги муқобил аэродромга қўнди. Авиакомпания қарорига кўра, 177 нафар йўловчи Фарғонага ерусти транспорти орқали етказилади.
Бироқ соат 00:10 дан бошлаб Наманган аэропортини ҳам қуюқ туман қоплади – кўриш масофаси 600 метрни ташкил этди. Самолётларни қабул қилишда вақтинчалик чекловлар жорий этилди. Самарқанд халқаро аэропортида ҳам қалин туман кузатилди – кўриш масофаси 50 метр. Аэропортда самолётларни қабул қилиш чекланди.
Panorama Airways авиакомпаниясининг Мадина – Наманган йўналиши бўйича UZP-5382 рейсидаги экипаж аъзолари Наманган аэропортида ноқулай об-ҳаво шароити (туман) туфайли Тошкентдаги муқобил аэродромга қўнишга қарор қилди.
Маҳаллий вақт билан соат 02:33 да бортида 170 нафар йўловчи бўлган самолёт Тошкент аэропортига қўнди.
Соат 2:54 да Самарқанд халқаро аэропортида ҳаво кемаларини қабул қилиш ва жўнатишга қўйилган чекловлар олиб ташланди.
Мавзуга оид
16:53 / 02.06.2025
«БААдаги фуқароларимизни тезликда текширувдан ўтказиш учун барча имкониятлар сафарбар этилган» — ТИВ
14:57 / 02.06.2025
Яна ўзбекистонликлар ажратилди: БАА аэропортида 100 дан ортиқ Ўзбекистон фуқаролари ушлаб турилди
19:09 / 30.05.2025
Сариосиё аэропорти 30 йилдан сўнг фаолиятини тиклади
18:21 / 18.05.2025