Эстония президенти давлат мудофаа кенгаши йиғилишини чақирди

Давлат мудофаа кенгашида Россиянинг Украинага қарши уруши, Эстониянинг Украинани қўллаб-қувватлаш борасидаги қадамлари ва мамлакат чегаралари хавфсизлиги масалалари муҳокама қилинади.

Фото: AP

Эстония президенти Алар Карис 8 январ куни давлат мудофаа кенгаши йиғилишини ўтказди, унда Россиянинг Украинага қарши уруши, Эстониянинг Украинани қўллаб-қувватлаш бўйича қадамлари ва Эстония чегаралари хавфсизлиги муҳокама қилинади. Бу ҳақда 5 январ, жума куни postimees.ee онлайн-нашри хабар берди.

Давлат мудофаа кенгаши мамлакат президенти ҳузуридаги маслаҳат органи ҳисобланади. Унинг таркибига Эстония парламенти - Рийгикогу спикери, мамлакат бош вазири, парламентнинг мудофаа ва ташқи ишлар бўйича комиссиялари раислари, ташқи ишлар, мудофаа, молия, ички ишлар, адлия, иқтисодиёт ва инфратузилма вазирлари ҳамда Мудофаа кучлари қўмондони киради.

Кенгаш давлат мудофааси учун муҳим бўлган масалаларни муҳокама қилади ва ўз фикрларини билдиради.