Шавкат Мирзиёев Ипак йўли фонди раиси билан учрашди

Ўзбекистон президенти Шавкат Мирзиёев Шэнчжэн шаҳридаги тадбирлар доирасида Ипак йўли фонди раиси Чжу Цзюн билан учрашув ўтказди.

Фото: Президент матбуот хизмати

Фонд 2014 йилда Хитой раиси Си Цзинпин ташаббуси билан “Бир макон, бир йўл” лойиҳаси доирасидаги савдо-иқтисодий ва инвестициявий ҳамкорликни молиявий қўллаб-қувватлаш мақсадида ташкил этилган.

Учрашувда саноат кооперацияси ва инфратузилмани ривожлантиришни молиявий қўллаб-қувватлаш учун фонд билан биргаликда яратилган инвестиция платформаси имкониятларини фаол ишга солиш орқали истиқболли лойиҳаларни амалга ошириш борасидаги режалар кўриб чиқилди.