Клавиатурада эмас, ручкада ёзиш мияни яхшироқ ривожлантиради – тадқиқот

Норвегия фан ва технология университети ручкада ва клавиатурада ёзганда мия қандай ишлаши устида тадқиқот ўтказди. 20 ёшлар атрофидаги 40 нафар талаба қатнашган ўрганишларга кўра, қўл ручкани ушлаб ёзганда миядаги боғланиш шакллари клавиатурада ҳарф тергандагидан мураккаброқ бўлади. Қўлда ёзилганда марказий ва бош миядаги тармоқ марказлари ва тугунлари ўртасида мураккаб боғланиш кузатилади. Миянинг бу соҳаларида ва бундай частоталарда уланиш шакллари хотирани шакллантириш ва янги маълумотларни кодлаш учун жуда муҳим. Шунинг учун ҳам бирор нарсани ўрганаётганда анъанавий усулда ёзиш фойдали.

Тадқиқот қўлда ёзиш натижасида миядаги фаоллик ошади ва ўрганиш қобилияти яхшиланади деб хулоса қилган. Шунинг учун олимлар мактабда болалар эрта ёшдан кўпроқ ёзиш машғулотлари билан шуғулланишини маслаҳат беряпти.

“Мактабда қўл ёзуви амалиётдан фойдаланиш муҳим ва шу билан бирга ривожланиб бораётган технологик ютуқларни кузатиб бориш ҳам муҳим. Маълум бир ўринларда анъанавий қўл ёзуви, яна бошқасида клавиатура билан машқ қилган маъқул”, – дейилади тадқиқотда.