Тез ёрдам хизматининг 3 та филиалига 30 та Volkswagen Caddy топширилди

Бу билан тизимдаги Volkswagen Caddy тез тиббий ёрдам машиналари сони 800 дан ошган.

Фото: Соғлиқни сақлаш вазирлиги матбуот котиби

Республика тез тиббий ёрдам марказининг Қашқадарё, Самарқанд ва Хоразм вилояти ҳудудларидаги филиалларига 30 та Volkswagen Caddy тез тиббий ёрдам машинаси етказиб берилган. Натижада тизимдаги бундай тез тиббий ёрдам машиналари сони 800 дан ошаган. Бу ҳақда Соғлиқни сақлаш вазирлиги матбуот котиби хабар берди.

Маълум қилинишича, 2023 йил январ-феврал ойларида Республика тез тиббий ёрдам маркази автопарки Ўзбекистонда ишлаб чиқарилган 227 та Volkswagen Caddy автомашиналари билан бойиган.

Шунингдек, ўтган йил август ойида 50 та, сентябр ойида 100 та, октябр ойида 100 та, ноябр ойида эса яна 108 та ана шундай автоуловларнинг янги партияси эҳтиёжга қараб Республика тез тиббий ёрдам марказининг ҳудудий филиалларига тақдим этилган.

Режага кўра, жорий йил март ойигача яна 170 та Volkswagen Caddy тез тиббий ёрдам машиналари ҳудудларга топширилади.