Қўшимча функционаллар
-
Тунги кўриниш
Пилла нархи эркинлаштирилади
Бу йил пилла нархи 25 фоизга оширилади. 2025 йилдан пилла нархини давлат белгилаши, фермер ва касаначилар ўзи етиштирган пиллани фақат кластерларга сотиши амалиётидан воз кечилади.
Фото: Kun.uz
Президент ипакчилик тармоғида кескин ўзгариш қилиш зарурлигини таъкидлади.
Қайд этилишича, Ветнам ва Хитой тажрибаси асосида пиллани саноат усулида етиштириш йўлга қўйилади, пилла етиштирувчиларнинг моддий манфаатдорлиги оширилади.
Бунинг учун икки босқичда бозор тамойилларига ўтилади.
Биринчи босқичда бу йил пилла нархи 25 фоизга оширилади. Аҳолига пилла етиштириш учун субсидия берилади ва пилла етиштирувчилар даромад солиғидан озод қилинади.
Иккинчи босқичда эса 2025 йилдан нархни давлат белгилаши, кластерларга туманларни бириктириш, фермер ва касаначилар ўзи етиштирган пиллани фақат кластерларга сотиши амалиётидан воз кечилади. Яъни, пилла фермер ва кластер ўртасида эркин нархда тузиладиган шартнома асосида ёки биржа орқали сотилади.
Йиғилишда пиллачилик соҳасини ривожлантириш бўйича мутасаддиларга қатор топшириқлар берилди.
Жумладан, ипак қуртини хонадонларга тарқатиб, ўрма тутзор ташкил этиш ва уй шароитида тайёр ипак ишлаб чиқаришни рағбатлантириш бўйича тизим яратилиши таъкидланди.
Озуқа-ем базасини кўпайтириш учун бу йил далалар атрофида 150 млн янги навли ҳосилдор тут кўчатини экиш топширилди.
Ипакчилик институти ҳузурида 2 та наслли уруғлик станцияси ишга туширилади. Институтга хитойлик мутахассислар таклиф қилиниб, наслли ипак қурти зотларини яратиш бошланади.
Мавзуга оид
17:37 / 16.11.2024
Уй шароитида тирик пилла етиштирганлар даромад солиғидан озод қилинади
16:03 / 12.07.2024
Жисмоний шахслардан олинадиган даромад солиғининг ярмини туман бюджетида қолдириш масаласи кўриб чиқилади
20:16 / 03.01.2024
Солиққа тортилмайдиган даромад турлари иккитага кўпайтирилди
18:02 / 29.12.2023
Ота-оналарнинг ҳар қандай ёшдаги фарзандлари контракти учун тўлаган пуллари даромад солиғидан озод қилинади
