Мисрдан гепатит C га қарши дори воситаларининг 2024 йилдаги олтинчи партияси Ўзбекистонга етиб келди.
Фото: «Дунё» АА
“Дунё” хабарига кўра, 25 феврал куни олиб келинган дори воситалари Соғлиқни сақлаш вазирлиги ҳузуридаги Вирусология илмий-текшириш институти томонидан беморларга тақсимланади.
Мутахассислар ҳисоб-китобига кўра, бир нафар беморнинг 3 ойлик тўлиқ даволаш курси учун 6 қадоқ дори керак бўлади. Мазкур даволаш курсининг Мисрдаги ўртача нархи 31 доллар бўлса, Ўзбекистонда жорий йилга қадар 100 долларга баҳоланиб келинган.
Миср ҳукумати тақдим этадиган 800 минг дона дори воситаси жами 133 минг беморга етади.
