Песков Путин ва Си Жинпинг ўртасидаги музокаралар тафсилотини очиқлади

Қозоғистоннинг Остона шаҳрида бошланган ШҲТ саммити олдидан учрашган Россия президенти Владимир Путин ва ХХР раиси Си Жинпинг Украинадаги урушни муҳокама қилишди, деган РФ президенти матбуот котиби Дмитрий Песков.

Фото: Sergei Guneev / Sputnik, Reuters

«Ритц Карлтон» ҳотелининг музокаралар залида бўлиб ўтган икки соатлик суҳбатда Песковга кўра, можарони тартибга солиш масаласи контекстида «Россия иштирокисиз ҳар қандай форматнинг истиқболсиз эканлиги аниқ қайд этилган».

«Барса жабҳаларда икки томонлама муносабатлар бирма-бир гаплашиб олинган. Минтақавий муаммолар бўйича ҳам фикр алмашилган. Дарвоқе, Украина контекстида Россия иштирокисиз ҳар қандай форматнинг истиқболсиз эканлиги аниқ қайд этилган»,— деган Песков музокара жараёни ҳақида.

«Яъни, бўлиб ўтган музокаралар чоғида Украина мавзусига энг кўп вақт аэратилдими?» — дея берилган саволга жавобан Песков шундай деган: «Йўқ, бундай деб бўлмайди».

Музокаралар Шанхай ҳамкорлик ташкилоти саммити арафасида ўтказилган. Учрашув бошида Владимир Путин Россия ва Хитойнинг муносабатлари тарихдаги энг яхши даврларни бошидан кечираётганини қайд этган. Владимир Путин Москва ва Пекин ҳеч қандай блок тузмаётгани ва учинчи давлатларга қарши ҳамкорлик қилмаётганини алоҳида қайд этган.