Исроил мамлакат шимолидаги ҳаво ҳудудини ёпди

Тақиқ Исроил армияси Байрут ва Теҳронга зарба берганидан кейин киритилган.

Фото: Anadolu Agency

Исроил маъмурияти мамлакат армиясининг Байрут ва Теҳрондаги ҳужумларидан кейин минтақадаги кескинлик туфайли мамлакат шимолида ҳаво ҳудудини ёпди.

Исроил матбуоти мамлакат шимолидаги ҳаво ҳудуди Ҳадера шаҳридан бошлаб парвозлар учун ёпиқлигини билдирмоқда.

Парвозларни тақиқлаш 24 соат давомида амал қилади ва минтақадаги йўлларда ҳеч қандай чекловлар бўлмайди.

Исроил армияси 30 июл куни Ливан пойтахтига ҳаво ҳужумлари уюштиргани, натижада «Ҳизбуллоҳ» ҳаракати қўмондонларидан бири Фуад Шукур ҳалок бўлганини маълум қилди.

31 июл, чоршанба куни эрталаб ҲАМАС сиёсий бюроси раҳбари Исмоил Ҳания Эрон пойтахтида уюштирилган ҳужумда ҳалок бўлди.

#Исроил #парвоз