Тошкентда 7 та автомашина иштирокида ЙТҲ содир бўлди

Беруний кўчасида кузатилган ЙТҲга автомашиналардан бирининг ҳайдовчиси ҳаракат вақтида бир йўналишда тўхтаб турган автомобиллар билан тўқнашув содир этгани сабаб бўлган.

Фото: ИИББ

Тошкент шаҳар Шайхонтоҳур тумани Беруний кўчасида 7 та автомашина иштирокида йўл-транспорт ҳодисаси кузатилди.

Тошкент шаҳар ИИББ ЙҲХБ хабарига кўра, 7 август куни соат тахминан 16:54 ларда Беруний кўчасида ЙТҲ содир бўлган.

Қайд этилишича, 2 та Matiz, 1 та Nexia-3, 1та Tracker, 1 та Onix, 1 та Chery, 1 та Isuzu русумли транспорт воситалари иштирокида йўл-транспорт ҳодисаси қайд этилди.

ЙТҲ сабаби: Chery русумли автомашина ҳайдовчиси ҳаракат вақтида бир йўналишда тўхтаб турган автомашиналар билан тўқнашув содир этган.

ЙТҲ натижасида тан жароҳат олганлар йўқ.

Ҳолат бўйича Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.