Қўшимча функционаллар
-
Тунги кўриниш
Рамзан Қодиров пулемёт ўрнатилган Tesla Cybertruck'да кўриниш берди
Чеченистон раҳбари электропикапнинг манёврчанглигини мақтаб, уни «Украина Қуролли кучлари зонасидаги» россиялик ҳарбийларга юборишга ваъда берди. Қодиров, шунингдек, автомобил учун Илон Маскка раҳмат айтиб, уни Грознийга таклиф қилди.
Фото: Видеодан кадр
Чеченистон етакчиси Рамзан Қодиров АҚШнинг Tesla компанияси ишлаб чиқарган Cybertruck электромобилини ҳайдагани акс этган видеони эълон қилди.
Қодиров ўзининг Telegram каналига ёзишича, электропикапни «ҳурматли Илон Маскдан қабул қилиб олишган». Шунингдек, у автомобилнинг манёврчанлиги ва «ажойиб тезлигини» мақдаб, Cybertruck’ни «Украина Қуролли кучлари зонасидаги» россиялик ҳарбийларга юборишга ваъда берди.
Рамзан Қодиров эълон қилган видеода кўриш мумкинки, транспорт воситасининг том қисмига пулемёт ўрнатилган.
«Илон Маскка самимий миннатдорчилигимни билдираман. Бу, албатта, замонамизнинг энг кучли даҳоси ва мутахассиси. Буюк инсон! Илон, раҳмат! Грознийга кел, сени азиз меҳмонимдек қабул қиламан», — деб ёзади Қодиров.
Америкалик миллиардер Илон Маскнинг ўзи эса Чеченистон раҳбарига қилган совғаси ҳақида ҳозирча ҳеч нарса дегани йўқ.
Cybertruck — бу Tesla’нинг пикаплар бозорига киришга биринчи уриниши бўлиб, улар Техаснинг Остин шаҳрида ишлаб чиқарилади. Tesla 2023 йил ноябр ойида 60990 долларга олдиндан буюртма орқали Cybertruck етказиб беришни бошлаган эди.
Мавзуга оид
20:28 / 18.09.2024
Neuralink кўрларнинг кўриш қобилиятини тикловчи имплантни ишлаб чиқади
23:02 / 14.09.2024
Илон Маск инсониятни йўқ бўлиб кетишдан қутқариш шартини айтди
20:51 / 14.09.2024
Х ижтимоий тармоғи ва Starlink Бразилия ғазнасига 3,3 млн доллардан ортиқ пул ўтказиб берди
22:30 / 08.09.2024