Қўшимча функционаллар
-
Тунги кўриниш
2027 йилда дунёда биринчи триллионер пайдо бўлиши мумкин
Ҳозир дунёдаги энг бой одам Илон Маскнинг давлати 250 миллиард доллардан ошди.
Фото: Reuters
Америкалик тадбиркор, SpaceX ва Tesla асосчиси Илон Маск 2027 йилга бориб дунёдаги биринчи триллионерга айланиши мумкин. Бу ҳақда Informa Connect Academy (ICA) таҳлилчилари ҳисоботига таяниб The Guardian ёзди.
Тадқиқотчилар Маскнинг бойлиги ҳар йили ўртача 110 фоизга ошаётганини ҳисобга олган. Бундан ташқари, америкалик тадбиркор Bloomberg маълумотларига кўра, аллақачон 251 миллиард доллар билан сайёрамизнинг энг бой одамига айланган.
ICA таҳлилчилари 2028 йилда иккинчи триллионер Ҳиндистон конгломерати Adani Group асосчиси ва раиси Гаутам Адани бўлишини тахмин қилмоқда. Forbes USA уни Осиёнинг энг бой одами деб ҳисоблайди. Унинг бойлиги ўсиш суръати йилига 123 фоизни ташкил қилади.
Nvidia бош директори Женсен Хуанг ва индонезиялик магнат Пражого Пангесту ҳам тўрт йил ичида ўз бойлигини триллион долларга етказиш имкониятига эга. Француз бизнесмени, LVMH компаниялар гуруҳи президенти ва бош директори Бернард Арно ва Facebook бош директори Марк Цукерберг 6 йилда бу маррага етиши мумкин.
Мавзуга оид
20:07 / 16.12.2024
WSJ: Илон Маск ўз компанияси АҚШ ҳарбийлари ва разведка топшириғи билан космосга нималар жўнатаётганини билмайди
22:55 / 11.12.2024
Илон Маск 400 миллиард доллардан ортиқ бойликка эга дунёдаги биринчи одамга айланди
17:25 / 03.12.2024
Суд Tesla компаниясига Илон Маскка 56 млрд доллар тўлашни тақиқлади
21:33 / 24.11.2024