Ўзбекистон ТИВ раҳбари Ню-Йоркда ИҲТ янги бош котиби билан учрашди
Асад Мажид Хон билан суҳбат давомида Тошкент саммитида эришилган барча келишувларни амалга ошириш жараёни муҳокама қилинди.
Ўзбекистон ташқи ишлар вазири Бахтиёр Саидов Ню-Йорк шаҳрида Иқтисодий ҳамкорлик ташкилотининг янги бош котиби, покистонлик Асад Мажид Хон билан учрашди.
"Иқтисодий ҳамкорлик ташкилоти Бош котиби Асад М. Хон жаноблари билан суҳбатимиз давомида Тошкент саммитида эришилган барча келишувларни амалга ошириш жараёнини муҳокама қилдик", – деб ёзди Ўзбекистон Ташқи ишлар вазирлиги раҳбари.
Қайд этилишича, ИҲТга аъзо мамлакатлар вакиллари янада фаол ва самарали ҳамкорлик қилишлари учун энг қулай шарт-шароитларни яратиш жуда муҳим саналади.
2023 йил 9 ноябр куни Тошкент шаҳрида Ўзбекистон президенти раислигида "Ҳамкорликда иқтисодий барқарорлик ва тараққиёт сари" шиори остида Иқтисодий ҳамкорлик ташкилотининг 16-саммити бўлиб ўтди.
Мавзуга оид
20:47 / 26.09.2024
Бахтиёр Саидов БМТ Бош Ассамблеясида қатор таклифларни илгари сурди
14:10 / 25.09.2024
Ўзбекистон ташқи ишлар вазири Эрон ташқи сиёсат идораси янги раҳбари билан учрашди
15:03 / 05.09.2024
Ташқи ишлар вазири БМТ бош котиби махсус вакилини қабул қилди
16:38 / 30.08.2024