Қўшимча функционаллар
-
Тунги кўриниш
Apple OpenAI компаниясини молиялаштиришда иштирок этишдан бош тортди
ChatGPT’ни яратган OpenAI’ни олдингидек Кремний водийсининг бошқа йирик компаниялари — Microsoft ва Nvidia молиялаштириш ниятида.
Фото: Cfoto/Zuma Press
Apple корпорацияси ChatGPT’ни яратган OpenAI компаниясини молиялаштириш бўйича музокаралардан чиқди, деб хабар беради The Wall Street Journal.
Нашрнинг қайд этишича, Apple бошқа йирик юқори технологияли компанияга молиявий сармоя киритиш имкониятини муҳокама қилгани — бу камдан кам учрайдиган ҳолат ҳисобланади.
OpenAI’ни олдингидек Кремний водийсининг бошқа йирик компаниялари — Microsoft ва Nvidia, шунингдек, Thrive Capital венчур компанияси, Tiger Global Management инвестиция ва БАА ҳукумати томонидан қўллаб-қувватланадиган MGX компаниялари молиялаштириш ниятида.
Thrive Capital ChatGPT ихтирочисига 1 миллиард долларга яқин сармоя киритмоқчи. Нашр маълумотларига кўра, Microsoft ҳам худди шунча маблағ ажратмоқчи — бунга қадар OpenAI ушбу компаниядан 13 миллиард доллар олган.
OpenAI’ни молиялаштиришнинг навбатдаги раундида 6,5 миллиард долларгача маблағ жалб этиш режа қилинган.
Июн ойида Apple компанияси OpenAI билан ChatGPT’дан ўзининг сунъий интеллект дастурларида фойдаланишга келишиб олганди. Nvidia эса ўз навбатида, энг замонавий чипларини ишлаб чиқаришга қаратилган тадқиқот лойиҳалари доирасида OpenAI билан яқиндан ҳамкорлик қилиб келади.
Мавзуга оид
12:14 / 26.09.2024
iPhone 16'даги ўзгаришлар ва “понт” учун 3 карра тўлов — Apple кутилмаларни оқлаяптими?
22:57 / 24.09.2024
Apple App Store дўконидан 100 га яқин VPN-иловани ўчириб ташлади
21:48 / 18.09.2024
Xiaomi смартфон ишлаб чиқариш бўйича Apple компаниясини ортда қолдирди
21:44 / 17.09.2024