Непаллик ўсмир Ердаги энг баланд чўққиларни забт этиб, рекорд ўрнатди

Непаллик ўсмир Ер юзидаги 14 та чўққини забт этиб, энг ёш алпинист сифатида жаҳон рекордини ўрнатди, деб хабар беради BBC.

Қайд этилишича, 18 ёшли Нима Ринжи Шерп Тибетдаги Шиша Пангма тоғи чўққисига 9 октябр куни соат 06:05 да кўтарилган. Шунда қилиб, у Халқаро альпинизм федерацияси томонидан 8 минг метрдан баланд дея тан олинган 14 та чўққига кўтарилган кам сонли инсонлардан бирига айланган.

Шерп баланд чўққиларни забт этишни 16 ёшида бошлаган бўлиб, 8 минг метрдан баланд тоғларга чиқишга 740 кун сарфлаган. 2022 йил 30 сентябрь куни у дунёда баландлиги бўйича саккизинчи ўринда турадиган Непалдаги Манаслу тоғига кўтарилганди.

Ўсмир бунга қадар ҳам қатор рекордларни ўрнатган — у дунёдаги энг ёш алпинист, Ҳимолойнинг G1 ва G2 чўққиларини забт этган инсон, Кашмирдаги Нангапарбатга кўтарилган энг ёш алпинист ҳамда 10 соат ичида Эверест ва унинг яқинидаги Лхоцзе чўққисига чиққан энг ёш алпинист ҳисобланади.

«Шерп» сўзи одатда Эверест ҳудудида фаолият юритадиган тоғдаги йўлбошчиларга нисбатан ишлатилсада, аслида у Непал тоғларида яшовчи этник гуруҳларга тегишли.

Нина Ринжининг айтишича, у ёш шерпларга «улар шунчаки алпинист-ёрдамчи деган стереотипларини енгиб ўтиб, биринчи тоифали спортчи сифатида ўз потенциалини очишларига ёрдам бериш»ни ният қилган.