Қўшимча функционаллар
-
Тунги кўриниш
Осиё ўйинлари чемпиони Шоҳмурод Холмуродов допинг туфайли жазоланди
Унинг допинг синамасида «Кломифен» тақиқланган моддаси аниқланган. Холмуродов 2023 йилги Осиё ўйинларида каноэ мусобақасида олтин медални қўлга киритган эди.
Фото: olympic.uz
Ўзбекистонлик каноэчи Шоҳмурод Холмуродов допинг туфайли дисквалификация қилинди. Бу ҳақда Uznada миллий антидопинг агентлиги хабар берди.
Қайд қилинишича, спортчидан мусобақа даврида олинган допинг синамасида тақиқланган «Кломифен» моддаси борлиги аниқланган. Холмуродов Бутунжаҳон антидопинг кодексига кўра 3 йил муддатга дисквалификация қилинган.
Спортчидан қайси мусобақада допинг синама олингани, унинг жазо санаси қачондан ҳисобланиши ва маҳрум қилинган мукофотлари ҳақида маълумот берилмаган.
Шоҳмурод Ҳолмуродов 2023 йилда Хитойнинг Ҳанчжоу шаҳрида ўтган XIX Осиё ўйинларида каноэда эшкак эшиш бўйича 1000 метрга сузиш баҳсида Нурислом Тўхтасин ўғли билан бирга жуфтлик баҳсларида олтин медални қўлга киритган эди.
Холмуродовнинг мураббийи Серик Мербеков сўзларига кўра, ундан 2024 йил 7 мартдаги ўқув машғулот йиғинида допинг назорати бўйича анализ олинган. 1 апрелда тест жавоби чиққан ва унинг қонида «Кломифен» моддаси борлиги аниқланган, яъни допинг Осиё ўйинлари вақтида аниқланмаган.
Допинг туфайли дисквалификация қилинган спортчининг халқаро ва миллий тоифадаги мусобақалар ва ўқув-машғулот йиғинларида иштирок этиши тақиқланади. Агар юқоридаги талаблар бажарилмаган тақдирда ушбу шахсга умрбод дисквалификация муддати қўлланилиши мумкин. Шунингдек, кодексда спорт федерацияси ёки ассоциациясига нисбатан ҳам жазо чораси қўллаш мумкинлиги белгиланган.
Тавсия этамиз
Апрелда қанақа об-ҳаво кутиляпти?
Ўзбекистон | 12:09 / 28.03.2025
АҚШда Исроилни танқид қилган турк талаба қўлга олинди
Жаҳон | 22:36 / 27.03.2025
Карманада мактаб ўқувчиси олийгоҳга кириш учун муддатидан аввал максимал баллни тўплади
Жамият | 20:18 / 27.03.2025
“Контрактга кирсанг ўқита олмаймиз дейишган” – oрзулар йўлида стереотипларни енгиб ўтган навоийлик қиз ҳикояси
Жамият | 20:50 / 25.03.2025
Сўнгги янгиликлар
-
Ўзбекистонликлар ишлаш учун Европанинг қайси давлатларига кўпроқ боряпти?
Жамият | 12:16
-
Малайзияда "Умра плюс Ўзбекистон" зиёрат туризм пакетлари жорий қилинади
Ўзбекистон | 12:07
-
ХВЖ Украина учун кўп миллионлик ёрдам траншини тасдиқлади
Жаҳон | 11:48
-
Бенилюкс мамлакатлари Ўзбекистондан меҳнат мигрантларини ишга жалб қилади
Ўзбекистон | 11:33
Мавзуга оид
17:04 / 15.02.2025
Дунёнинг биринчи рақамли ракеткаси «атрофидагиларнинг бепарволиги» учун дисквалификация қилинди
15:56 / 27.08.2024
Самарқандда ўтган жаҳон чемпионатида 51та давлатдан спортчилар иштирок этди
19:08 / 07.08.2024
Оғир атлетика бўйича Ўзбекистон чемпиони допинг туфайли дисквалификация қилинди
22:06 / 26.07.2024
Дзюдочи Болтабоевнинг рақиби допинг туфайли Олимпиададан четлатилди
