ОЧЛ-2. «Насаф» Иорданияда мағлубиятга учраб, гуруҳида 3-ўринга тушди

Осиё Чемпионлар лигаси-2 турнири 3-тури доирасида «Насаф» Иорданияда «Ал-Ҳусайн» меҳмони бўлди.

Ушбу учрашувда Рўзиқул Бердиев тақвимдаги зичликдан келиб чиққан ҳолда ҳимояда ротацияларга қўл урди ва бу якунда ўзини оқламади. Захирадан майдонга тушган Ориф Ҳаитам сўнгги дақиқаларда ҳимоя марказидан ёриб кириб, икки бор рақиб дарвозасини ишғол этди. 90+5-дақиқада эса қаршиликлар Да Силванинг битта голи билан жавоб қайтаришди, аммо бу мағлубиятдан қутулиб қолиш учун етарли бўлмади – 1:2.

Шу тариқа, «Насаф» гуруҳда 4 очко билан 3-ўринга тушди. «Шабоб Ал-Аҳли» «Ал-Кувайт»ни мағлуб этиб 6 очко билан пешқадамга айланди, «Ал-Ҳусайн» ҳам 6 очко билан 2-ўриндан жой олган.

ОЧЛ. «D» гуруҳи, 3-тур

«Ал Ҳусейн» (Иордания) - «Насаф» (Ўзбекистон) – 2:1

Голлар: Ориф Ҳаитам, 86, 90+1 – Да Силва, 90+5

«Ал Ҳусейн»: 1.Язид Абдулла, 3.Абдуллоҳ Насиб, 8.Ража Аед Ҳасан (23.Аҳмад Ҳайкал, 81), 9.Абдуллаҳ Моҳаннад (99.Азиз Ндиайе, 69), 13.Маҳмуд Ал Марди, 15.Саид Аҳмад Ар-Росан, 17.Адҳам Муҳаммад, 24.Эҳсон Ҳаддад (77.Ориф Ҳаитам, 69), 36.Абдулжалил Ажагун, 88.Итало Энрике Силва, 98.Юсуф Абу Жалбуш.

«Насаф»: 35.Абдувоҳид Неъматов, 3.Шоҳжаҳон Султонмуродов, 4.Дилшод Комилов, 7.Акмал Мозговой, 10.Бобур Абдухолиқов, 14.Шароф Муҳитдинов, 23.Куач Юэл (20.Виктор Да Силва, 46), 28.Шуҳрат Муҳаммадиев (22.Игор Голбан, 46), 34.Шерзод Насруллаев, 77.Ойбек Бозоров (70.Жамбули Жигаури, 70), 88.Марко Станоевич (6.Мурод Раҳматов, 46).

Шабоб Ал Аҳли - Ал-Кувайт - 4:1.

Гуруҳдаги вазият ва «Насаф»нинг навбатдаги учрашувлари: