Исроил «Ҳизбуллоҳ»нинг юқори мартабали аъзоси қўлга олинганини эълон қилди

Имад Амхаз махфий операция чоғида ўғирлаб кетилди.

Исроил армияси «Ҳизбуллоҳ»нинг денгиз қўмондони Имад Амхазни қўлга олди. Бу ҳақда исроиллик журналист Барак Равид ижтимоий тармоқда маълум қилди.

Журналист сўзларига кўра, Амхаз Шимолий Ливанда ўтказилган тунги операция вақтида Исроил ҳарбий-денгиз кучлари томонидан қўлга олинган. Қайд қилинишича, Исроил ундан шиа ҳаракатининг денгиз амалиётлари ҳақида маълумот олиши мумкин.

Bild хабарига кўра, Исроил ҳарбийлари тезюрар қайиқларда етиб бориб, умумий денгиз чегарасидан 140 километр шимолда жойлашган Ливанга кирган. «Ҳизбуллоҳ»нинг юқори мартабали аъзоси ҳибсга олингани Исроил томонидан тасдиқланди.