Қўшимча функционаллар
-
Тунги кўриниш
Ҳамбург аэропорти иш ташлашлар сабаб бутунлай фаолиятини тўхтатиб қўйди
Касаба уюшмалари ходимларнинг маошлари оширилиши ва меҳнат шароити яхшиланишини талаб қилмоқда.
Фото: AP
Германиянинг Ҳамбург аэропорти фаолияти 9 март куни тўхтатиб қўйилди. Бунга Verdi касаба уюшмаси томонидан ходимлар ўртасида ташкил этилган иш ташлашлар сабаб бўлди. Аэропорт фаолияти тўхтатилгани тўғрисидаги баёнот ҳаво бандаргоҳининг сайтига жойлаштирилган.
Қайд этилишича, аэропортда самолётларни қабул қилиш ва учириш кун давомида амалга оширилмайди. Йўловчиларга парвоз бўйича батафсил маълумот олиш учун авиакомпанияларга мурожаат қилиш сўралган.
Bild нашрининг ёзишича, айрим йўловчилар ўз рейслари бекор қилингани тўғрисида парвозга бир неча дақиқа қолганида хабар топган.
Verdi касаба уюшмаси, шунингдек, кейинги ҳафта Берлин, Ҳанновер ҳамда Франкфурт аэропортларида ҳам иш ташлашлар бўлиб ўтишини эълон қилди. Улар ишчиларнинг маошлари оширилиши ва меҳнат шароити яхшиланишини талаб қилмоқда.
Касаба уюшмаларининг бу каби акцияси 27-28 феврал кунлари Мюнхен аэропортида ҳам ўтказилган эди. Ўшанда ҳаво бандаргоҳи маъмурияти аксарият рейсларни бекор қилишга мажбур бўлганди.
Касаба уюшмаси баёнотида келтирилишича, иш берувчилар музокаралар давомида ходимларнинг талабини қаноатлантиришни хоҳламаётгани учун улар шу каби норозилик намойишини ўтказишга мажбур бўлмоқда. Verdi ходимлар маоши 8 фоизга ёки ойига камида 350 еврога оширилишини талаб қиляпти.
Тавсия этамиз
Ўзбекистон Mobiuz компаниясини халқаро сотувга қўйди
Ўзбекистон | 23:10 / 09.06.2025
Швейцариядаги қишлоққа кўчиб келган сайёҳларга 24 минг доллардан пул тўланади
Жаҳон | 01:36 / 09.06.2025
Тошкентда илк BRT тизими: у қандай кўринишда бўлади?
Ўзбекистон | 20:17 / 07.06.2025
Бир нечта ташкилотлар Enter Engineering компаниясини судга берди
Ўзбекистон | 17:39 / 07.06.2025
Сўнгги янгиликлар
-
Айрим маҳсулотларнинг таснифий коди ўзгартирилмоқда
Ўзбекистон | 09:59
-
Россиянинг постсовет давлатлари ҳудудидаги ҳарбий объектлари. Улар нима учун ташкил этилган?
Ўзбекистон | 09:30
-
TENET: “Stellar Residence” апартаментлари 24 ойгача босқичма-босқич тўлов билан
Ўзбекистон | 09:00
-
ЖЧ саралаши. Фаластин аламли тарзда қолиб кетди, Саудия плей-оффда ўйнайди
Спорт | 08:47
Мавзуга оид
16:53 / 02.06.2025
«БААдаги фуқароларимизни тезликда текширувдан ўтказиш учун барча имкониятлар сафарбар этилган» — ТИВ
14:57 / 02.06.2025
Яна ўзбекистонликлар ажратилди: БАА аэропортида 100 дан ортиқ Ўзбекистон фуқаролари ушлаб турилди
19:09 / 30.05.2025
Сариосиё аэропорти 30 йилдан сўнг фаолиятини тиклади
23:27 / 23.05.2025
Ҳамбург марказий вокзалида аёл киши пичоқ билан одамларга ҳужум қилди. Камида 12 киши жароҳат олди
