Ҳафта давомида ҳарорат пасайиб, ёмғир ёғиши кутилмоқда
Сешанба куни ҳаво +37 даражагача исийди. Чоршанбадан эса аксарият ҳудудларда момақалдироқ билан ёмғир ёғади. Ҳарорат аста-секин пасайиб, +16…+21 даража бўлади.

Фото: Kun.uz
Ўзбекистонда ҳафтанинг иккинчи ярмидан ҳарорат аста-секин пасайиб, ёмғир ёғади, дея хабар бермоқда Ўзгидромет агентлиги.
Душанба куни Ўзбекистоннинг катта қисмида ёғингарчиликсиз об-ҳаво бўлиши кутилмоқда, фақат Фарғона водийси вилоятларида ва куннинг иккинчи ярмида Тошкент вилоятида баъзи жойларда қисқа муддатли ёмғир ёғиши, момақалдироқ кузатилиши мумкин.
Сешанба куни республика бўйича ёғингарчилик кутилмайди. Ушбу кунларда ҳаво ҳарорати +24…+29 даража атрофида, жанубда баъзи жойларда +32…+37 даражагача бўлади.
Чоршанбада республиканинг айрим жойларида бироз ёмғир ёғиши мумкин. Пайшанба ва жума кунлари республиканинг катта қисмида момақалдироқ билан қисқа муддатли ёмғир ёғади.
Ҳаво ҳарорати аста-секин пасаяди, республика ҳудудининг катта қисмида 16 апрелда +20…+25 даража, 17 апрелда +18…+23, 18 апрелда +16…+21 даража бўлади.
Шамол 7–12 метр/сония тезликда эсади, баъзи жойларда 15–20 метр/сониягача кучайиши мумкин. Тоғолди ва тоғли ҳудудларда вақти-вақти билан ёмғир ёғади, 17–18 апрел кунлари баъзи жойларда кучли бўлади, айрим жойларда момақалдироқ кузатилади.
14–18 апрел кунлари республиканинг тоғолди ва тоғли ҳудудларида сел-сув тошқин ҳодисалари юзага келиши мумкин.
Тошкент шаҳрида душанбанинг иккинчи ярмида бироз ёмғир ёғиши мумкин, эртага ёғингарчилик кутилмайди. Ҳарорат асосан +25…+28 даража бўлади. 16 апрелда бироз ёмғир ёғиши мумкин. Ҳарорат +23…+25 даража бўлади.
17–18 апрел кунлари вақти-вақти билан қисқа муддатли ёмғир ёғади, момақалдироқ бўлади. Ҳарорат аста-секин +17…+20 даражагача пасаяди. Шамол шарқдан 3–8 метр/сония тезликда эсади, вақти-вақти билан 12–15 метр/сониягача кучаяди.
Тавсия этамиз
Киевга яшил чироқ: Украина энди узоқ масофаларга зарба бера олади
Жаҳон | 00:41
Алонсо «Реал»да. Энди ким ўзгаради – клуб ёки мураббий?
Спорт | 11:37 / 29.05.2025
Чет эллик жангчилар, хусусан ўзбеклар Суриядан қувиладими?
Жаҳон | 21:35 / 28.05.2025
Москвада шаҳарни билишини исботлаб бермаган таксичилар жаримага тортилади
Жаҳон | 20:35 / 27.05.2025
Сўнгги янгиликлар
-
Зеленский: TAURUS'ни Украинага етказиб бериш Мерц билан муҳокама қилинди
Жаҳон | 09:13
-
Келлог: Россиянинг НАТО кенгайиши ҳақидаги хавотирлари «адолатли»
Жаҳон | 08:50
-
Йирик солиқ тўловчилардан давлат бюджетига тушумлар миқдори айтилди
Иқтисодиёт | 08:40
-
Шавкат Мирзиёев "Марказий Осиё - Италия" саммитида иштирок этади
Ўзбекистон | 08:10
Мавзуга оид

12:21 / 28.05.2025
Ўзбекистоннинг 9 вилоятида сел-сув тошқини хавфи эълон қилинди

11:24 / 26.05.2025
Ҳафта давомида ҳарорат пасайиб, жойларда ёмғир ёғади

22:27 / 22.05.2025
8 та вилоятда сел-сув тошқини хавфи бўлиши эълон қилинди

13:12 / 21.05.2025