Маҳсулотларнинг ягона электрон миллий каталоги юритилади

Вазирлар Маҳкамаси қарори билан Маҳсулотлар (товарлар ва хизматлар) ягона электрон миллий каталогини юритиш ҳамда ундан фойдаланиш тартиби тўғрисидаги низом тасдиқланди.

Ҳужжат қуйидагиларни назарда тутади:

Маҳсулотлар (товарлар ва хизматлар) ягона электрон миллий каталогини юритиш ҳамда ундан фойдаланиш тартиби;
Маҳсулотлар (товарлар ва хизматлар) ягона электрон миллий каталогининг таркиби ҳамда уни қўллаш мақсадлари;
маҳсулотларни (товарларни ва хизматларни) таснифлаш ҳамда идентификация қилиш тартиби;
солиқ имтиёзларига маҳсулот ва хизматларнинг идентификация кодларини бириктириш.

Маҳсулотлар (товарлар ва хизматлар) ягона электрон миллий каталоги Ўзбекистон Республикаси Солиқ қўмитасининг «Янги технологиялар» илмий-ахборот маркази» давлат унитар корхонаси томонидан tasnif.soliq.uz расмий веб-сайти орқали яратилади ва юритилади.

Маҳсулотлар (товарлар ва хизматлар) тавсифи, гуруҳи, синфи, позицияси ва субпозициясидан келиб чиқиб, оператор томонидан таснифланади.