Стармер, Макрон, Мерц ва Туск Киевга етиб келди

Украина иттифоқчи давлатларининг тўрт нафар етакчиси Киевга етиб келди.

Фото: AP

Буюк Британия бош вазири Кир Стармер, Франция президенти Эммануэл Макрон, Германия канцлери Фридрих Мерц ва Полша бош вазири Доналд Туск поездда Украина пойтахтига етиб келди ва уларни темир йўл вокзалида катта Украина делегацияси кутиб олди.

Киевда коалиция вакиллари президент Володимир Зеленский билан учрашишни ва Москвани 30 кунлик сўзсиз ўт очишни тўхтатишга рози бўлишга чақиришни режалаштирган.

Европанинг тўрт нафар етакчиси кенг кўламли агрессия бошланганидан бери биринчи марта Киевга бир вақтнинг ўзида ташриф буюрмоқда, деб хабар берди AFP.